news
 
Latest News   
 
1
ఆరు జిల్లాల్లో నీటిసరఫరా కోసం రూ.12,308కోట్లు మంజూరు
ఆరు జిల్లాల్లో నీటిసరఫరా కోసం రూ.12,308కోట్లు మంజూరు! అమరావతి: జగన్ ప్రభుత్వం ఒకే రోజు రికార్డ్‌ స్థాయిలో జీవోలు విడుదల చేసింది. ఆరు జిల్లాల్లో నీటిసరఫరా కోసం రూ.12,308కోట్లు మంజూరు చేస్తూ జీవో జారీ చేసింది. తూర్పుగోదావరి జిల్లాకు రూ.3,800 కోట్లు, పశ్చిమగోదావరి జిల్లాకు రూ.3,670 కోట్లు, శ్రీకాకుళం జిల్లా ఉద్దానంలో తాగునీటికి రూ.700 కోట్లు, గుంటూరు జిల్లా పల్నాడు ప్రాంతానికి రూ. 2,665 కోట్లు, ప్రకాశం జిల్లా కనిగిరి ప్రాంతానికి రూ. 833 కోట్లు, పులివెందుల ప్రాంతంలో తాగునీటి సరఫరాకు రూ. 480 కోట్లు, ఆస్పత్రుల అభివృద్ధికి రూ. 436.96 కోట్లు విడుదల చేస్తూ ఉత్తర్వులు జారీ చేసింది.  నవరత్నాల అమల్లో భాగంగా ఆస్పత్రుల్లో వసతుల కల్పనకు, కమ్యూనిటీ హెల్త్‌ సెంటర్లు, ప్రాంతీయ ఆస్పత్రుల బలోపేతానికి  సీఎం జగన్ నిధుల విడుదల చేశారు. 
Published on Friday, January 17, 2020
2
భార్య, కుమార్తె హత్య కేసులో భర్త అరెస్ట్‌
భార్య, కుమార్తె హత్య కేసులో భర్త అరెస్ట్‌ ముందు కుమార్తెను చంపి.. ఆపై భార్యను కడతేర్చినట్లు నిర్ధారణ కేసు వివరాలు వెల్లడించిన ప్రకాశం జిల్లా ఎస్పీ సిద్ధార్థ కౌశల్‌ ఒంగోలు: తల్లీకుమార్తె దారుణ హత్య కేసులో నిందితుడు ఆ ఇంటి యజమాని అద్దంకి కోటేశ్వరరావుగా తేలిందని ఎస్పీ సిద్ధార్థ కౌశల్‌ వెల్లడించారు. గురువారం స్థానిక జిల్లా పోలీసు కార్యాలయంలోని గెలాక్సీ సమావేశ మందిరంలో నిర్వహించిన విలేకరుల సమావేశంలో ఆయన నిందితుడిని మీడియా ముందు హాజరుపరిచారు. ఎస్పీ కథనం ప్రకారం.. ఈ నెల 3వ తేదీన మారెళ్లగుంటవారిపాళెం పొలాల్లో గుర్తుతెలియని తల్లి, కుమార్తె దారుణంగా హత్యకు గురైనట్లు పోలీసులకు సమాచారం అందింది. పోలీసులు సంఘటనా స్థలానికి వెళ్లి పరిశీలించారు. పెద్ద కొత్తపల్లి వీఆర్వో షేక్‌ ఆరీఫా ఇచ్చిన ఫిర్యాదు మేరకు కేసు నమోదుచేసి సుమారు 70 మందికిపైగా అధికారులు, సిబ్బంది దీనిపై కసరత్తు చేస్తూ మృతుల ఆచూకీని గుర్తించేందుకు దర్యాప్తు ప్రారంభించారు. ప్రాథమికంగా లభించిన క్లూ ఆధారంగా బ్లూ కలర్‌ గ్లామర్‌ మోటార్‌బైక్‌ ఎవరెవరికి విక్రయించారనే సమాచారాన్ని షోరూంల ద్వారా సేకరించారు. పెట్రోల్‌ బంకులు, హైవేపై ఉన్న సీసీ కెమెరాలు, వివిధ సంస్థలు ఏర్పాటు చేసుకున్న సీసీ కెమెరాలు, ఆస్పత్రులు, పసిబిడ్డను గుర్తిచేందుకు ఆశా కార్యకర్తలు, ఏఎన్‌ఎంలు, ఆస్పత్రుల్లో సైతం సమాచారం సేకరించారు. సాంకేతిక పరిజ్ఞానంతో పాటు ప్రింట్, ఎలక్ట్రానిక్‌ మీడియాల ద్వారా మృతుల ఫొటోలు, నిందితుడి ఊహాచిత్రం గీయించి ఆచూకీ తెలిపిన వారికి రూ.లక్ష బహుమానం కూడా ప్రకటించారు. జిల్లాలోనే కాకుండా రాష్ట్ర వ్యాప్తంగా అదృశ్యమైన వారి కేసులను జల్లెడ పట్టారు. సుమారు 150 నుంచి 200 వరకు అదృశ్యమైన కేసులకు సంబంధించి వివరాలు సేకరించినా ఉపయోగం లేకపోయింది. మీడియాలో వస్తున్న కథనాల ఆధారంగా అనుమానం వచ్చి నెల్లూరులోని అరవ జయలక్ష్మి పోలీసుల ద్వారా విషయాన్ని తెలుసుకుని ఒంగోలు ప్రభుత్వ వైద్యశాల మార్చురీలోని మృతదేహాలను పరిశీలించింది. మహిళను తన సోదరి అద్దంకి శ్రీలక్ష్మి (20)గా, పాపను ఆమె కుమార్తె అద్దంకి వైష్ణవి (11 నెలలు)గా గుర్తించడంతో విషయం వెలుగులోకి వచ్చింది. పథకం ప్రకారమే హత్య ఈ నేపథ్యంలో శ్రీలక్ష్మి భర్త అద్దంకి కోటేశ్వరరావును గురువారం ఉదయం స్థానిక మార్కెట్‌ యార్డు వద్ద ఒంగోలు డీఎస్పీ కేవీవీఎన్‌వీ ప్రసాద్‌ ఆధ్వర్యంలో అరెస్ట్‌ చేశారు. అనంతరం అతడిని విచారించగా పథకం ప్రకారమే హత్య చేసినట్లు మధ్యవర్తుల సమక్షంలో అంగీకరించాడు. కోటేశ్వరరావు కజకిస్తాన్‌లో ఎంబీబీఎస్‌ చదువుతూ తిరిగి వచ్చిన తర్వాత ఒంగోలులోని ఓ ప్రైవేట్‌ ఆస్పత్రిలో ఫార్మాసిస్ట్‌గా పనిచేస్తుండేవాడు. ఈ నేపథ్యంలో నెల్లూరు జిల్లాకు చెందిన శ్రీలక్ష్మితో 2018 ఏప్రిల్‌ 24న పెద్దల అభీష్టానికి వ్యతిరేకంగా సత్తెనపల్లి సమీపంలోని భీమవరం ఆంజనేయస్వామి ఆలయంలో వివాహం చేసుకుని ఒంగోలు నగర పరిధిలోని ముక్తినూతలపాడులో కాపురం పెట్టాడు. ఆ దంపతులకు 2019 జనవరి 17న వైష్ణవి జన్మించింది. దంపతుల మధ్య మనస్పర్ధలు రావడం, మరో వైపు అతని తల్లిదండ్రుల ఇష్టం మేరకు భార్యాబిడ్డలను అడ్డు తొలగించుకోవాలని నిర్ణయించుకున్నాడు. తాను పనిచేసే ఆస్పత్రిలోని సహచర ఉద్యోగి మోటార్‌బైక్‌ తీసుకుని తన స్వగ్రామం అద్దంకి వెళ్లి కత్తి తన వెంట ఉంచుకుని బ్యాంకు పని అంటూ భార్యాబిడ్డలను బైకు ఎక్కించుకున్నాడు. మార్గమధ్యలో సీతారామపురం కొష్టాల వద్ద ఉన్న పెట్రోల్‌ బంకులో లీటర్‌ పెట్రోలు పోయించుకుని మారెళ్లగుంటపాళెం పొలాల మార్గంలోకి తీసుకెళ్లి ముందుగా కత్తితో పసిపాప గొంతు కోసి, ఆపై శ్రీలక్ష్మిని బండరాయి కేసి మోది హత్య చేసి ఆపై తన వెంట తెచ్చిన పెట్రోల్‌తో మృతదేహాలను తగులబెట్టాడు. అతని కుడిచేతికి కాలిన గాయంకాగా నేరుగా తాను పనిచేసే ఆస్పత్రికి చేరుకున్నాడు. అనంతరం కొద్దిసేపు పనిచేసి డ్యూటీ నుంచి బయటకు వెళ్లాడు. ఈ మేరకు నిందితుడిపై ఐపీసీ 302, 201 సెక్షన్ల కింద కేసు నమోదు చేశామని, ఈ కేసులో మిగిలిన వారి పాత్రకు సంబంధించి దర్యాప్తు ముమ్మరం చేయనున్నట్లు ఎస్పీ సిద్ధార్థ కౌశల్‌ వివరించారు. నిందితుడిని అరెస్ట్‌ చేసేందుకు కృషి చేసిన అధికారులను ఎస్పీ అభినందించారు. సమావేశంలో ఒంగోలు డీఎస్పీ కేవీవీఎన్‌వీ ప్రసాద్, అద్దంకి సీఐ టి.అశోక్‌వర్థన్, ఒంగోలు రూరల్‌ సీఐ సుబ్బారావు పాల్గొన్నారు.
Published on Saturday, December 21, 2019
3
కనిగిరిలో అట్టహాసంగా రాష్ట్రస్థాయి ఖోఖో పోటీలు JANATHA MEDIA
కనిగిరి : స్వర్గీయ మాగుంట సుబ్బరామిరెడ్డి మెమోరియల్‌ 53వ రాష్ట్రస్థాయి ఖోఖో పోటీలు గురువారం నుంచి అట్టహాసంగా ప్రారంభం అయ్యాయి. స్థానిక ప్రభుత్వ ఉన్నత పాఠశాల అవరణలో అన్ని రకాల వసతులతో ఖోఖో స్టేడియంను ఏర్పాటు చేయగా రాష్ట్రంలోని 13 జిల్లాల నుంచి 13 బాలుర జట్లు, 13 బాలికల జట్లు పోటీలో పాల్గొంటున్నాయి. అయితే వివిధ జిల్లాల నుంచి 600 మంది క్రీడాకారులు రాష్ట్రస్థాయి ఖోఖో పోటీలకు తరలివచ్చి పోటీల్లో పాల్గొన్నారు. రాష్ట్రవ్యాప్తంగా రాష్ట్రస్థాయి ఖోఖో పోటీలు మూడు రోజులు పాటు జరగనుండగా ప్రారంభ సూచకంగా క్రీడాకారులతో పట్టణ పురవీధుల్లో మార్చ్‌ఫాస్ట్‌ నిర్వహించారు. ఈ మార్చ్‌ ఫాస్ట్‌లో ఎమ్మెల్యే బుర్రా మధుసూదన్‌యాదవ్‌, పార్లమెంట్‌ సభ్యుడు మాగుంట శ్రీనివాసులురెడ్డి కుమారుడు మాగుంట రాఘవరెడ్డి గౌరవ వందనం స్వీకరిస్తూ పాల్గొన్నారు. క్రీడాకారుల మార్చ్‌ఫాస్ట్‌ స్థానిక ప్రభుత్వ ఉన్నత పాఠశాల నుంచి ఆర్టీసీ డిపో రోడ్డు, ఎమ్మెస్సార్‌ రోడ్డుతోపాటు పురవీధుల గుండా పామూరు బస్టాండ్‌, చర్చిసెంటర్‌ మీదుగా సాగింది. రాష్ట్రంలోని 13 జిల్లాల నుంచి రాష్ట్రస్థాయి ఖోఖో పోటీల్లో పాల్గొనేందుకు విచ్చేసిన క్రీడాకారులు క్రీడాదుస్తులు ధరించి పురవీధుల్లో మార్చ్‌ఫాస్ట్‌ చేస్తూ ముందుకు కదిలారు. ఈ సందర్భంగా పట్టణంలోని వివిధ ప్రభుత్వ పాఠశాల విద్యార్థులు ఈ మార్చ్‌ఫాస్ట్‌ ర్యాలీలో పాల్గొనటంతో సందడి వాతావరణం నెలకొంది. తొలుత ప్రభుత్వ ఉన్నత పాఠశాలలోని క్రీడాప్రాంగణాన్ని ఎమ్మెల్యే బుర్రా మధుసూదన్‌యాదవ్‌ ప్రారంభించారు. అనంతరం క్రీడాకారులను పరిచయం చేసుకున్నారు. ఎంపీ మాగుంట కుమారుడు రాఘవరెడ్డి మీట్‌ డిక్లరేషన్‌తోపాటు క్రీడలను ప్రారంభించారు.
Published on Friday, November 29, 2019
4
హుజూర్‌నగర్ ఎన్నిక అధికార, ప్రతిపక్ష పార్టీలకు కీలకం!
హుజూర్‌నగర్ ఎన్నిక అధికార, ప్రతిపక్ష పార్టీలకు కీలకం! కావడంతో సర్వశక్తులు ఒడ్డడానికి సిద్ధమయ్యాయి. ఊహించని సంఖ్యలో అభ్యర్థులు నామినేషన్లు దాఖలు చేయడం ప్రధాన పార్టీలకు ఇబ్బందిగా మారింది. తెలంగాణలో హుజూర్‌నగర్‌ ఉప-ఎన్నికను అన్ని పార్టీలూ ప్రతిష్ఠాత్మకంగా తీసుకున్నాయి. సిట్టింగ్ స్థానాన్ని తిరిగి దక్కించుకోవాలని కాంగ్రెస్.. ఇక్కడ గులాబీ జెండా ఎగురువేయాలని అధికార టీఆర్ఎస్ ఊవ్విళ్లూరుతున్నాయి. వీటితోపాటు టీడీపీ, బీజేపీలు కూడా గట్టిపోటీ ఇవ్వడానికి సిద్ధమయ్యాయి. ఈ నేపథ్యంలో అన్ని పార్టీలూ వ్యూహ ప్రతివ్యూహాలతో ముందుకెళ్తున్నాయి. ఇప్పటికే టీఆర్ఎస్‌కు సీపీఐ పార్టీ మద్దతు తెలిపింది. గత ఎన్నికల్లో కాంగ్రెస్‌, సీపీఐ, టీడీపీ, టీజేఎస్‌లు కూటమిగా ఏర్పడి పోటీచేశాయి. అయితే, ఉప-ఎన్నికలో మాత్రం సీపీఐ టీఆర్ఎస్‌వైపు మొగ్గుచూపింది. తాజాగా, కాంగ్రెస్‌కు మద్దతు ఇస్తున్నట్టు తెలంగాణ జన సమితి (టీజేఎస్) ప్రకటించింది. ఈ మేరకు టీజేఎస్ అధినేత కోదండరాం బుధవారం ప్రకటన చేశారు. గాంధీ జయంతిని పురస్కరించుకొని పార్టీ కార్యాలయంలో జాతిపితకు నివాళులర్పించిన అనంతరం ఆయన మీడియాతో మాట్లాడుతూ.. టీఆర్ఎస్ ప్రభుత్వ నియంతృత్వ పోకడలపై నిరసన వ్యక్తం చేయాల్సిన అవసరం ఉందని అన్నారు. సీపీఐ, సీపీఎం, టీడీపీతో కలిసి ఒక వేదికగా ఉండాలని చేసిన ప్రయత్నాలు సత్ఫలితాలనివ్వలేదని పేర్కొన్నారు. కాంగ్రెస్‌‌తో గత అనుభవాలను పక్కనబెట్టి, టీఆర్ఎస్ ప్రజా వ్యతిరేక విధానాలను ప్రజల్లోకి తీసుకెళ్లడానికి హుజూర్‌నగర్‌ ఎన్నికను అవకాశంగా మలచుకోవాలని భావిస్తున్నామని కోదండరాం అన్నారు. అంతేకాదు, టీఆర్ఎస్‌కు సీపీఐ మద్దతివ్వడం ఆ పార్టీ చేసిన చారిత్రక తప్పిదమని వ్యాఖ్యానించారు. ఇక, మరో కమ్యూనిస్ట్ పార్టీ సీపీఎం నేరుగా పోటీచేయాలని భావించి, నామినేషన్ దాఖలు చేసింది. అయితే, ఈ నామినేషన్ తిరస్కరణకు గురయ్యింది. దీంతో ఆ పార్టీ ఎవరికి తన మద్దతు ఇస్తుందోననే అంశం ఆసక్తిగా మారింది. కానీ, ఇప్పటికే ఉప ఎన్నికలో తమ పార్టీ అభ్యర్థికి మద్దతు ఇవ్వాలని టీడీపీ రాష్ట్ర అధ్యక్షుడు ఎల్‌.రమణ సీపీఎంను కోరారు. ఆ పార్టీ రాష్ట్ర కార్యదర్శి తమ్మినేని వీరభద్రానికి ఫోన్‌ చేసి మద్దతు ఇవ్వాలని అభ్యర్థించారు. టీడీపీ రాష్ట్రస్థాయి నేతల బృందం గురువారం వ్యక్తిగతంగా వచ్చి కలుస్తుందని ఆయన వివరించారు. పార్టీలో చర్చించిన తరువాత తమ నిర్ణయం వెల్లడిస్తామని తమ్మినేని సమాధానమిచ్చారు. సీపీఎం మద్దతు తమకే ఉంటుందన్న ఆశాభావాన్ని రమణ వ్యక్తం చేశారు.
Published on Monday, October 07, 2019
5
సైదిరెడ్డి స్థానీయత: ఉత్తమ్ ప్రకటనలోని ఆంతర్యం ఇదే...
సైదిరెడ్డి స్థానీయత: ఉత్తమ్ ప్రకటనలోని ఆంతర్యం ఇదే... తెలంగాణ పిసిసి ఆధ్యక్షుడు ఉత్తమ్ కుమార్ రెడ్డి శానంపూడి సైదిరెడ్డి స్థానీయతను ఎందుకు వివాదంగా మార్చారనే సందేహం కలుగుతోంది. టీఆర్ఎస్ ప్రచారాస్థ్రామైన స్థానిక నేత నినాదాన్ని తిప్పికొట్టడానికి ఆ ప్రకటన చేశారని భావిస్తున్నారు. హుజూర్ నగర్: తెలంగాణ పిసిసి అధ్యక్షుడు ఉత్తమ్ కుమార్ రెడ్డి తెలంగాణ రాష్ట్ర సమితి (టీఆర్ఎస్) అభ్యర్థి శానంపూడి సైదిరెడ్డి స్థానీయతపై చేసిన ప్రకటన కలకలం రేపుతోంది. టీఆర్ఎస్ ఆంధ్ర వ్యక్తికి టికెట్ ఇచ్చిందని ఆయన అన్నారు. ఉత్తమ్ కుమార్ రెడ్డి సైదిరెడ్డి స్థానీయతను ఎందుకు తెర మీదికి తెచ్చారనే సందేహం వ్యక్తమవుతోంది. సాధారణ ఎన్నికల్లో నిజానికి ఉత్తమ్ కుమార్ రెడ్డి స్థానీయత టీఆర్ఎస్ కు ప్రచారాస్త్రంగా మారింది. స్థానిక నాయకుడు సైదిరెడ్డి అనే నినాదం ఎన్నికల్లో ప్రజల్లోకి చొచ్చుకుని వెళ్లింది. అది కొంత మేర ఉత్తమ్ కుమార్ రెడ్డిని చిక్కుల్లో పడేసింది కూడా. ఉత్తమ్ కుమార్ రెడ్డి స్థానికుడు కాదని, ప్రజలకు అందుబాటులో ఉండరని టీఆర్ఎస్ విమర్శిస్తూ వచ్చింది. తన స్థానీయతను ఎన్నికల ప్రచారాస్త్రంగా టీఆర్ఎస్ మార్చిన నేపథ్యంలో ఉత్తమ్ కుమార్ రెడ్డి సైదిరెడ్డిని ఆంధ్ర వ్యక్తిగా చెబుతూ స్థానికతాంశాన్ని తిప్పికొట్టే ప్రయత్నం చేశారని అంటున్నారు. అయితే, అది ఉత్తమ్ కుమార్ రెడ్డికే ఎదురు తిరిగే పరిస్థితి వచ్చింది. హుజూర్ నగర్ కాంగ్రెసు అభ్యర్థి ఇప్పటి వరకు ఖరారు కానప్పటికీ ఉత్తమ్ కుమార్ రెడ్డి సతీమణి పోటీ చేస్తారనేది బలంగా వినిపిస్తున్న మాట. ఈ నేపథ్యంలో హుజూర్ నగర్ ఉప ఎన్నిక ఉత్తమ్ కుమార్ రెడ్డికి బలమైన సవాల్ నే విసురుతోంది. దాంతో శానంపూడి సైదిరెడ్డి స్థానికతను వివాదం చేయాలని ఆయన చూశారని అంటున్నారు. సైదిరెడ్డి సూర్యాపేట జిల్లా గుండ్లపల్లి గ్రామానికి చెందినవారు. ఆ గ్రామం కృష్ణానది ఒడ్డున తెలంగాణ రాష్ట్రంలో ఉంది. సైదిరెడ్డి తండ్రి అంకిరెడ్డి ఆ గ్రామ సర్పంచుగా పనిచేశారు. పైగా, స్థానిక సంస్థల ఎన్నికల్లో సైదిరెడ్డి బంధువర్గం గణనీయంగా విజయం సాధించింది. స్థానిక సంస్థల బలిమితో సైదిరెడ్డి సాధారణ ఎన్నికల్లో కన్నా ఈ ఎన్నికల్లో కాంగ్రెసుకు బలమైన పోటీ ఇచ్చే స్థాయికి చేరారు. అందుకే, ఉత్తమ్ కుమార్ రెడ్డి సైదిరెడ్డి స్థానీయతపై నిస్పృహతో ప్రకటన చేశారని టీఆర్ఎస్ నాయకులు విమర్శిస్తున్నారు. మంత్రి జగదీష్ రెడ్డి తెలంగాణ రాష్ట్ర ఉద్యమ కాలంలో హుజూర్ నగర్ నుంచి పోటీ చేశారు. ఆయనకు కూడా ఆ నియోజకవర్గంలో సొంత బలం ఉంది. ఈసారి ఎన్నికల్లో జగదీష్ రెడ్డి తన శక్తియుక్తులను అన్నింటినీ వినియోగించే అవకాశం ఉంది. పోటీ మాత్రం హోరాహోరీగానే ఉంటుందని భావిస్తున్నారు.
Published on Tuesday, September 24, 2019
6
హుజూర్ నగర్ ఉప ఎన్నిక: బిజెపిలోకి కాసోజు శంకరమ్మ?
హుజూర్ నగర్ ఉప ఎన్నిక: బిజెపిలోకి కాసోజు శంకరమ్మ? హుజూర్ నగర్ అసెంబ్లీ స్థానానికి బిజెపి అభ్యర్థిగా కాసోజు శంకరమ్మ రంగంలోకి దిగే అవకాశం ఉంది. తమ పార్టీలోకి రావాలని శంకరమ్మను బిజెపి నాయకత్వం ఆహ్వానించినట్లు తెలుస్తోంది. అయితే. తనకు హుజూర్ నగర్ టికెట్ ఇవ్వాలని ఆమె షరతు పెట్టినట్లు సమాచారం. హుజూర్ నగర్: తెలంగాణ రాష్ట్ర సమితి (టీఆర్ఎస్) నాయకురాలు, తెలంగాణ అమరవీరుడు శ్రీకాంతాచారి తల్లి కాసోజు శంకరమ్మ బిజెపిలో చేరే అవకాశాలున్నాయి. హుజూర్ నగర్ శాసనసభ స్థానం నుంచి ఆమె బిజెపి తరఫున పోటీ చేయవచ్చునని అంటున్నారు. 2014 ఎన్నికల్లో టీఆర్ఎస్ తరఫున పోటీ చేసిన శంకరమ్మ ప్రస్తుత తెలంగాణ పిసిసి అధ్యక్షుడు ఉత్తమ్ కుమార్ రెడ్డి చేతిలో ఓటమి పాలయ్యారు. 2018లో ఆమెకు టీఆర్ఎస్ టికెట్ రాలేదు. ఆమెను పక్కన పెట్టి ఎన్నారై శానంపూడి సైదిరెడ్డికి టీఆర్ఎస్ టికెట్ ఇచ్చారు. దీంతో ఆమె పార్టీ కార్యకలాపాలకు దూరంగా ఉంటూ వచ్చారు. ఈసారి ఉప ఎన్నికలో కూడా శానంపూడి సైదిరెడ్డికే తెలంగాణ ముఖ్యమంత్రి, టీఆర్ఎస్ అధినేత కే చంద్రశేఖర రావు టికెట్ ఖరారు చేశారు ఈ స్థితిలో తమ పార్టీలోకి రావాలని శంకరమ్మను బిజెపి నాయకులు కోరినట్లు తెలుస్తోంది. అయితే, తనకు హుజూర్ నగర్ టికెట్ ఇవ్వాలని ఆమె షరతు పెట్టినట్లు తెలుస్తోంది. హుజూర్ నగర్ బిజెపి టికెట్ కోసం జల్లేపల్లి వెంకటేశ్వర్లు, కోదాడకు చెందిన శ్రీకళా రెడ్డి పోటీ పడుతున్నారు. మాజీ ఎంపీ రవీంద్ర నాయక్, సీనియర్ న్యాయవాది రామారావు, ముద్ర అగ్రికల్చర్ సొసైటీ చైర్మన్ రామదాసప్ప నాయుడు కూడా రేసులో ఉన్నట్లు తెలుస్తోంది. హుజూర్ నగర్ బిజెపి టికెట్ ను బిజెపి మంగళవారంనాడు ప్రకటించే అవకాశం ఉంది.
Published on Tuesday, September 24, 2019

 

First Previous 1 2 3 4 5  ... Next Last 
 
   
Rewards Achiever List  
 
Top Achiever List  
 
SANTANA LAXMI
PRIMA
vijayawada
GAJA LAXMI